အဖြစ်များ ၍ လူသိနည်းသော " စီ " ပိုး၏ လက္ခဏာများ

အသည်းရောင် " စီ " ပိုးက အဖြစ်များတယ်။ နုံး ၊ မော ၊ မျက်လုံးဝါ ၊ အသည်းရောင် ၊ အသည်းခြောက် ၊ အသည်းကင်ဆာ ဖြစ်တာတွေ တော့ လူသိများကြပါတယ် ။ သန်း ၁၇၀ ဆိုတာ ကမ္ဘာ့လူဦး ရေ ရဲ့ ၃ ရာခိုင်နှုန်းရှိပါတယ် ။ အသည်းရောင် " စီ " ပိုးရှိတဲ့ လူတွေပြောတာပါ ။ သွေးသွင်းမိလို့ ၊ ဆေး မလိုဘဲ ထိုးမိလို့ ၊ မူးယစ်ဆေးဝါး စွဲမိလို့ ၊ လိင်အပျော်အပါး များမိလို့ ၊ သွားစိုက် သွားနုတ် လုပ်မိလို့ ၊ ခွဲစိတ်ကုသ ခံဖူးလို့ ၊ ကလေး မွေးခဲ့လို့ ၊ ကာကွယ် ဆေးထိုးရာ တစ်ခါသုံး အပ်မသုံးမိ လို့ စတဲ့စတဲ့ အကြောင်းအရာ တွေကြောင့် ကူးကြပါတယ် ။ ဘယ်အချိန် က စဖြစ်မှန်း လည်း မသိဘူး ။ ရောဂါ လက္ခဏာ မပြတဲ့ လူမပြဘူး တချို့မှာ ၀င်ပြီးရင် ၆၀ ရာခိုင်နှုန်းက နေ ၇၀ ရာခိုင်နှုန်း ဟာ နာတာရှည် အသည်းရောင် ဖြစ်တယ်။ ၂၀ ရာခိုင်နှုန်းက အသည်းခြောက် ဆီကို ကူးသွားတယ် ။ ရောဂါတိုးတာ ပြောတာပါ ။ အဲ့ဒိ ထဲက ၁၃ ရာခိုင်နှုန်းက သေတယ် ။ ရောဂါ လက္ခဏာ က ထင်ထင်ရှားရှား မပြဘဲ နှစ် ၂၀ နှစ် ၃၀ ရှိနေတယ် ။ လွန်မှ ပြတယ် ။ ဒါကြောင့် တိတ်တခိုး ပွားနေတဲ့ ကပ် ( Silent Epidemic ) လို့ တင်စားကြတယ် ။ ရောဂါက တိုးတယ် ။ ဖြည်းဖြည်း တိုးတယ် ။ ပိုးက ခန္ဓာကိုယ် ရဲ့ ကိုယ်ခံ စွမ်းအားကို လှူံ့ဆော်တယ် ။ ခန္ဓာကိုယ် က ပိုးကို တိုက်တဲ့ စနစ်တွေ သုံးတယ် ။ ပိုးက ရှောင်တိမ်းတယ် ။ ကိုယ့်ခန္ဓာကိုယ် ပဲ ပြန်ထိတယ်။ ပိုးကို မထိဘူး။ ဒီမှာတင် အသည်း မဟုတ်တဲ့ လက္ခဏာတွေ ရတော့တာပဲ။ ကိုယ့်ကိုယ်ကို ပြန်ထိတာကို autoimmune လို့ခေါ်တယ် ။

လက္ခဏာတွေမှာ -
- အသည်းရောင် " စီ " ပိုးနဲ့ ဆက်စပ်တဲ့ ရောဂါများ ( strong association )
- အသည်းရောင် " စီ " ပိုးနဲ့ ဆက်စပ်တယ်လို့ ထင်ရတဲ့ ရောဂါများ ( moderate association )
- အသည်းရောင် " စီ " ပိုးနဲ့ ဆက်စပ်မယ်လို့ ထင်ရတဲ့ ရောဂါ များ ( mild association ) ဆိုပြီး သုံးမျိုး
အုပ်စုရှိတယ် ။
အိပ်ရေးဝ ပေမယ့်လည်း မနက်ထရင် နည်းနည်း နုံးတယ်။ နေမြင့်လေ နုံးလေပါပဲ။ တစ်ခါ တလေ အလုပ်ကြာကြာ လုပ်ပြီး တာနဲ့ တော်တော် နုံးတယ် ဆိုတဲ့ လူတွေ ဟာ ဒီအသည်းရောင် စီ ပိုးကြောင့် မဟုတ်လောက်ဘူး။ စိတ်ကျ ရောဂါ တို့ သိပ်ဟောက်တဲ့ ရောဂါ
( sleep apena ) တို့ ဖြစ်မယ် ထင်တယ် ။ တချို့က အိပ်မောကျရင် အသက်ရှူ လမ်းကြောင်း ပိတ်ပိတ်သွား တတ်တယ် ။ မနက်ကျတော့ တအားနုံး နေရော ၊ အဲဒါကို sleep apena လို့ခေါ်တယ်။
နုံးတယ် ဆရာ ၊ ခံနိုင်ပါ့မလား လို့ မေးပေမယ့် အသည်းရောင် " စီ " ပိုးကို ကုလို့ ပျောက်သွားရင် ဒီနုံးတာ ဟာလည်း ပျောက်သွားတာပဲ ။
ရူမတွိုက် ( Rheumatoid ) ဆိုတဲ့ အဆစ်ရောင် ရောဂါ မှာ မြင့်တက်တတ်တဲ့ Rheumatoid factor ( RF ) ဆိုတာ အသည်းရောင် " စီ " ပိုးရှိတဲ့ လူအများ စုမှာ မြင့်တက်တယ် စသည်ဖြင့် အသည်းရောင် " စီ " ပိုးကုတဲ့ အခါ မှာ ရှာဖွေရတယ် ။

ပထမ အုပ်စု
အသည်းရောင် " စီ " ပိုးနဲ့ ဆက်စပ် တဲ့ ရောဂါများ
( က ) MIxed cryoglobulinemia ( ကိုယ့်ခန္ဓာကိုယ် ပြန်တိုက်တဲ့ အေးခဲသွားသော ပဋိ ပစ္စည်း တွဲများ )
( ခ ) Purpura ( အရေပြား သွေးကွက်ပေါ် ခြင်း ) ; အရေပြား သွေးမျှင် လေးများ ရောင်သောကြောင့် ဖြစ်တယ် ။
( ဂ ) Neuropathy ( အာရုံကြော ရောဂါများ )
( ဃ ) Non-deforming , Arthralgias ( အရိုး အဆစ် အမြစ် ရောင်တဲ့ ရောဂါများ ဒါပေမဲ့ အရိုး အဆစ် ကောက်ကွေး ပုံစံပျက် ခြင်း မရှိပါ )
( င ) MPGN ( ကျောက်ကပ် ရောင်ရောဂါ တစ်မျိုး )
( စ ) နာတာရှည် ဖျားခြင်း
( ဆ ) Asthenia, fatigue , weakness ( နုံးတယ် ၊ ပျော့တယ် )

ဒုတိယ အုပ်စု
အသည်းရောင် " စီ " ပိုး နဲ့ ဆက်စပ်တယ် လို့ ထင်ရတဲ့ ရောဂါများ
( က ) Non-cryoglobulinneamia systemic vasculitis ( PAN ) ( Poly Arteritis Nodosa ) သွေးကြောကလေး များ ရောင်ခြင်း
( ခ ) ဗေလုံး တွင် သွေးကျိတ် ကင်ဆာ ဖြစ်ခြင်း
( ဂ ) သွေးဖြူဥ အမျိူးအစား ဘီ နှင့် ဆက်စပ်သော သွေးကျိတ်
( ဃ ) Sicca syndrome ( ပါးစပ်ခြောက် ၊ မျက်လုံးခြောက် ရောဂါများ )
( င ) Porphyria cutenea tarda ( နေထိ သော နေရာများ တွင် အရေပြား အရည်ကြည် အိတ်ကလေး များပေါ်ခြင်း ၊ ကုပ် ၊ လက် ၊ လက်ဖျံ၊ မျက်နှာ စတဲ့ နေရာတွေ ဖြစ်တယ် )

တတိယ အုပ်စု
အသည်းရောင် " စီ " ပိုးနဲ့ ဆက်စပ်ကောင်း ဆက်စပ် မယ်ထင်ရတဲ့ ရောဂါများ
( က ) သွေးမွှားဥ နည်းတဲ့ ရောဂါ
( ခ ) အမျိုးအစားနှစ် ဆီးချို
( ဂ ) သိုင်းရွိုက် ခေါ် လည်ပင်း ဟော်မုန်း ကျိတ်ရောင်သော ရောဂါ
( ဃ ) Lichen planus ( လိုင်ခန် ပလင်းနပ် ခေါ် အရေပြား ရောဂါ တစ်မျိုး )
စသည်ဖြင့် တွေ့ရတယ် ။ တစ်ခု ချင်းစီကို နောက်မှ ပြောပါမယ် ။
အသည်းရောင် " စီ " ပိုးဆေး မထိုးခင် နဲ့ ဆေးထိုးစဉ် ကာလမှာ ဘာလို့ သွေးတွေ တစစ်တည်း စစ်နေရတယ်ဆို တာ နားလည် လာမယ် ။

ပါမောက္ခ ဦးသံစစ် ( အသည်းအထူးကု ) ရန်ကုန်ပြည်သူ့ ဆေးရုံကြီး

POSTED BY LWAN HLAINGE မှ သိသမျှ ။