★ လာချင်ရင်လည်း လာပေါ့
တားပိုင်ခွင့်မှ မရှိတာ
ထွက်သွားလည်း မတားပါဘူး
ငါ့ကိုယ်ငါတောင်မှ မပိုင်တာလေ။
★ အယူအဆချင်း တူဖို့လဲ မဆွဲဆောင်ပါဘူး
စိတ်ဓါတ်ချင်းတူဖို့လည်း ညှိမယူပါဘူး
ငါ့ကိုယ်ငါတောင် သင်ယူနေရတုန်းဆိုတော့။
★ မင်းမုန်းမှာလည်း မပူသလို
မင်းမေတ္တာကိုလည်း မတောင့်တပါဘူး
အေးအောင် နေတက်ဖို့ကျင့်နေရတာနဲ့တင်
ငါမအားသေးလို့ပါ
★ သံယောဇဉ် မရှိမဟုတ်ပါ သို့သော်
ကင်းအောင်နေတက်ဖို့ကို ငါ့ကိုယ်ငါလည်း
သင်နေသလို
ငါ့အနီးစပ်ဆုံးတွေကိုလည်း
စွမ်းသမျှသင်ပေးတယ်။
★ ဒေါသ ဟုတ်လား
ဒါတင်မကသေးဘူး လောဘနဲ့ မောဟလည်း
ရှိသေးတယ်။
★ နောက်ပြီး
ငါမကျွမ်းကျင်တဲ့ ဟန်ဆောင်မှု့ကို
သဘောမကျလို့
မင်းသဘောမကျတက်တာတော့
ဘာပြောရမှန်းမသိပါ။
★ ငါ့စိတ်တိုင်းကျ ငါနေ တက်သလို
ငါ့စိတ်တိုင်းကျ ငါမနေဖို့ ကိုလည်း တစ်ဖက်ကကျင့်
နေရသေးတာဆိုတော့
နားလည်ဖို့ မတောင်းဆိုပါဘူး။နားလည်မှု့ဆိုတာ လွယ်တဲ့အရာမှမဟုတ်တာကို
ငါလည်းသိနေတာပဲ။
★ သိတာလေးတွေကိုတောင် ကျင့်နိုင်ဖို့
အသဲအသန်ကြိုးစားနေရတဲ့
အခြေအနေဆိုတော့
လောလောဆယ် ငါမအားဘူးလေနော်။
(Tay Mi )
နှလုံးသားအာဟာရ facebook မှ သိသမျှ ။
No comments:
Post a Comment