လူမင်းက ‘ဆရာ့အရိပ်’ ဇာတ်ကားကို ကိုယ်တိုင်ဒါရိုက်တာလုပ်ပြီး ကိုယ်တိုင်သရုပ်ဆောင်ကာ အေးမြတ်သူနဲ့ရိုက်ကူးနေပါတယ်။ လူမင်းကိုယ်တိုင် ဒါရိုက်တာလုပ်ပြီး ရိုက်ကူးတဲ့ ဇာတ်ကားအနေနဲ့ ရုပ်ရှင်ကားကြီး ၁ ကားနဲ့ ဗီဒီယို ၄၊ ၅ ကားရိုက်ကူးခဲ့ပြီး ဖြစ်ပါတယ်။ ကိုယ်တိုင်က သရုပ်ဆောင်တစ်ယောက် ဖြစ်တဲ့အတွက် ဒါရိုက်တာ အဖြစ် ရိုက်ကူးတဲ့အခါမှာ မတူညီတဲ့ရှုထောင့် ဖြစ်တဲ့အတွက် ဘယ်လိုအမြင်မျိုးတွေ ရှိမလဲလို့မေးတော့ လူမင်းက”ကိုယ်ကိုယ်တိုင်က သရုပ်ဆောင်ဖြစ်တဲ့ အတွက် သရုပ်ဆောင်ပိုင်းကို ပိုပြီး ဂရုစိုက်ဖြစ်တာပေါ့။ ဒါရိုက်တာကလည်း
တကယ်ဝါသနာပါလို့ လုပ်တာပါ။ တကယ်လည်း တာဝန်ကြီးပြီး ပင်ပန်းတဲ့အလုပ်ပါ။ တစ်ကားရိုက်ရင် တစ်ခါမသိသေးတာတွေကို ထပ်ထပ်သိလာတာတွေက ကားတိုင်းပဲ”လို့ ဒါရိုက်တာတစ်ယောက်ရဲ့ အတွေ့အကြုံကို ပြောပြပါတယ်။ဒီနှစ်နယူးရီးယားကို အရင်နှစ်တွေကလိုပဲ ဆီဒိုးနားဟိုတယ်မှာ ဖြတ်သန်းမှာ ဖြစ်တဲ့အကြောင်းနဲ့ ဒီနှစ်သရုပ်ပြမယ့် ဇာတ်ကောင် အကြောင်းကို လူမင်းက”ဒီနှစ်က ‘Man in Balck’ ဆိုတဲ့ ဟိုးအရင်က ရုပ်ရှင်ကားပေါ့။ အဲဒီ အကြောင်းအရာကို ယူထားတော့ အဲဒီကားထဲမှာ ပိုးဟပ်အကောင် အကြီးကြီး ဂြိုဟ်သားကြီးပေါ့။ အဲဒါနဲ့ဖိုက်တာကို စင်ပေါ်မှာလုပ်မယ်။ တစ်နှစ်တစ်မျိုးစီပါပဲ။ Bat Manဆိုလည်း အမြင့်ကြီးကနေ စတီးကြိုးနဲ့ ဆင်းတာတို့ဘာတို့ပေါ့။ ဒီနှစ်ကတော့ အဲဒီလိုသက်စွန့် ကြိုးပမ်းသိပ်မပါဘူး။ လူတစ်ယောက်ကနေ ဂြိုဟ်သားကြီးဖြစ်ပြီး အဲဒီဂြိုဟ်သားကြီးနဲ့ စင်ပေါ်မှာဖိုက်မှာပါ။ အဲဒီကားထွက်တာလည်း ၄၊ ၅၊ ၆ နှစ်ရှိပြီ။ အခုပြန်ကြည့် နေရတယ်။ သူကတော့ ဂြိုဟ်သားတွေနဲ့ ဖိုက်တာ၊ ပန်းကန်ပြားပျံကြီးတွေနဲ့ ဘာတွေနဲ့ ဆိုတော့ အခုအစ်ကိုတိှု့Settingကြီးက ကမ္ဘာလုံးကြီးနဲ့ ပန်းကန်ပြားပျံကြီး ထိုးစိုက်ထားတဲ့ပုံ လုပ်ထား တယ်။ အဲဒီအရှေ့ကစင်ပေါ်မှာ ဂြိုဟ်သားနဲ့ဖိုက်မယ်”လို့ နယူးရီးယား ညအစီအစဉ်ကို ပြောပြခဲ့ပါတယ်။
ပေါ်ပြူလာဂျာနယ် မှ သိသမျှ ။
No comments:
Post a Comment