Friday, 9 November 2012

အလှဖန်တီးရှင်များရဲ့ အလှမယ် ရွေးပွဲ


မြန်မာပြည်က အလှဖန်တီးရှင်များရဲ့ အလှမယ်ရွေးချယ်ပွဲ Miss Red Ribbon Beauty Contest ပြိုင်ပွဲကို  နိုဝင်ဘာလ ၂၇ ရက်နေ့မှာ ဒုတိယအကြိမ်အဖြစ် ဆီဒိုနားဟိုတယ်မှာ ကျင်းပပြုလုပ်မှာပါ။
“အဓိကကတော့ အလှူလုပ်ဖို့ ရည်ရွယ်တာပါ။ ပထမတခေါက်လိုပဲ HIV/AIDS ဝေဒနာရှင်တွေအတွက် လှူမှာပါ။ တခြားနေရာတွေလည်း လှူမယ်လို့ထင်တယ်။ ဘယ်နေရာလဲဆိုတာကတော့ ပွဲစီစဉ်သူတွေက သေသေချာချာတော့ မပြောပြသေးဘူး။ အဓိကကတော့ အလှူလုပ်ချင်လို့ပါပဲ။ တခြား ဘာရည်ရွယ်ချက်မှ မဟုတ်ပါဘူး” လို့ ပွဲဖြစ်မြောက်ရေးအတွက် ပါဝင်သူတဦးဖြစ်တဲ့ မိတ်ကပ် ဒီဇင်ဘာနှင်းက ဧရာဝတီကို ပြောပါတယ်။
အလှဖန်တီးရှင်များရဲ့ Miss Red Ribbon Beauty Contest ပြိုင်ပွဲကို ပထမအကြိမ်အဖြစ် ၂၀၀၉ ခုနှစ် သြဂုတ်လမှာ ကျင်းပခဲ့တာပါ။ ဒီပြိုင်ပွဲကို ရိုက်ကူးထားတဲ့ အလွန်နာမည်ကြီး လူကြိုက်များခဲ့တဲ့ အခွေတွေလည်း ခိုးကူး
လောကမှာ အရောင်းရဆုံးစာရင်း ၀င်သွားခဲ့ပါသေးတယ်။ ဒါ့အပြင် ဒီပြိုင်ပွဲကနေ ရရှိလာတဲ့
ရန်ပုံငွေတွေကိုလည်း HIV/AIDS ဝေဒနာရှင်တွေကို သွားရောက်လှူဒါန်းခဲ့ပါတယ်။
ဒီပြိုင်ပွဲကို လက်ရှိ ဖောင်တင်ထားတဲ့ ပြိုင်ပွဲဝင်တွေထဲကမှ အလှမယ် ၃၀ စိစစ်ရွေးချယ်ပြီး ယှဉ်ပြိုင်စေမှာပါ။ ပြိုင်ပွဲမှာ အလှဖန်တီးရှင်များရဲ့ ဖျော်ဖြေတင်ဆက်မှုတွေလည်း ပါဝင်မယ်လို့ သိရပါတယ်။
အခု ဒုတိယအကြိမ်မြောက် Miss Red Ribbon Beauty Contest ပြိုင်ပွဲကိုလည်း ပထမအကြိမ်က စီစဉ်ခဲ့တဲ့
မြန်မာနိုင်ငံအတွင်း အလှကုန်ပစ္စည်းများ၊ ဆေးဝါးများ၊ လူသုံးကုန်ပစ္စည်များ တင်သွင်းနေတဲ့ ZAR & ZAR Co.Ltd ပိုင်ရှင် ဒေါ်ယုဇော်ကပဲ တာဝန်ယူဆောင်ရွက်မယ်လို့ သိရပါတယ်။ သူဟာ ထူးကုမ္ပဏီပိုင်ရှင် ဦးတေဇနဲ့ မရီးတော်စပ်သူလို့လည်း သိရပါတယ်။


ဧရာဝတီ မှ သိသမျှ ။

No comments:

Post a Comment