နာမည်ရမဏ္ဍပ်တချို့ ကျုံးအရှေ့ရောက်တဲ့ ၂၀၁၃ သင်္ကြန်

နှစ်တိုင်းလိုလို ကျုံးတောင်ဘက်မှာ နေရာယူထားခဲ့တဲ့ လူသိများတဲ့ နာမည်ရ မဏ္ဍပ်အချို့ ဒီနှစ်
သင်္ကြန်မှာတော့ ကျုံး အရှေ့ဘက်မှာ နေရာယူတည်ဆောက် နေကြတာကို တွေ့ရပါတယ်။
ကျုံး တောင်ဘက်မှာနေရာရဖို့ မဲနှိုက်ခဲ့ကြ ပေမယ့် မဲမပေါက်တဲ့အတွက် အရှေ့ဘက်မှာပဲ စီစဉ်ခဲ့
ကြတာလို့ အဲဒီမဏ္ဍပ် တွေကဆိုပါတယ်။
မနှစ်ကအတိုင်း တောင်ဘက်မှာပဲ ဆက်လက်နေရာယူထားတဲ့မဏ္ဍပ်တွေလည်း ရှိပါတယ်။
"ဒီနှစ်တော့ အရှေ့ဘက်ကျုံး ၆၆ လမ်း မှာ ၂၃ လမ်းနဲ့ ၂၄ လမ်းကြားမှာ ကျတယ်။ တောင်ဘက်
မှာ မဲမပေါက်တော့ မဲပေါက်တဲ့အရှေ့ဘက်မှာပဲ လုပ်လိုက်တယ်။ ဒီနှစ်ထူးခြားတာက မဏ္ဍပ်ကို
စောပြီး ဆောက်လုပ်ခွင့်ပေးထားတယ်။ အရင် နှစ်တွေက လုပ်နေကျမဏ္ဍပ်တချို့ အရှေ့ဘက်
ကျုံးကို ရောက်လာတော့ ဒီနှစ် အရှေ့ဘက်မှာလည်း လူစည်လိမ့်မယ်လို့ မျှော်လင့်ပါတယ်။
"လက်မှတ်ဈေးကိုတော့ ရက်ပြည့်ကို တစ်ယောက် ကျပ် ၃၀,၀၀၀ လို့ သတ်မှတ်ထားတယ်။ ဧပြီ
၅ ရက် မတိုင်ခင်ဝယ်ရင် ၂၅,၀၀၀ နဲ့ လျှော့ဈေးပေးမှာပါ။ ရေပက်မယ့်လူကို ဆွဲဆောင်တဲ့အနေနဲ့
ရက်ပြည့်ကစားတဲ့လူတွေကို G shock နာရီ၊ iPhone 5 နဲ့ iPad mini မဲဖောက်ပေးသွားဖို့ စီစဉ်
ထားတယ်"လို့ ၂၀၁၃ သင်္ကြန်မှာ ကိုးနှစ်မြောက် မဏ္ဍပ်ဆောက်လုပ်မယ့် Domino မဏ္ဍပ်မှ
ကိုခွန်မိုင်က ပြောပါ တယ်။
သူ့ရဲ့မဏ္ဍပ်ကို ရာသီဥတုဒဏ်ခံနိုင်အောင် အသေအချာဆောက်လုပ်သွားမှာဖြစ်ပြီး မဏ္ဍပ်ဒီဇိုင်းကို

ခြောက်ဆင့် ဆောက်လုပ်သွားမယ်လို့လည်း သူက ဆိုပါတယ်။
မဏ္ဍပ်ရဲ့လူအ၀င်အထွက်ကို စိစစ်နိုင်ဖို့အတွက်လည်း Smart Card System ကိုလည်း အသုံးပြု
ထားပါတယ်တဲ့။
ကျုံးအရှေ့ဘက်၊ လမ်း ၂၀ နဲ့ ၂၂ လမ်း ကြားမှာ ပေ ၁၀၀ မဏ္ဍပ်ဆောက်လုပ်သွားမယ့် နွေရတီက
၂၀၁၃ သင်္ကြန်မှာ သူ့ရဲ့ သုံးနှစ်မြောက်မဏ္ဍပ်ကို ဆောက်လုပ်သွားမှာဖြစ်ပါတယ်။
"မဏ္ဍပ်က ဒီနှစ်ကျုံးအရှေ့ဘက်မှာ လုပ်တာဆိုတော့ မနှစ်က ကျုံးတောင်ဘက်မှာ လုပ်တာ
လောက်တော့ လူဝင်ချင်မှဝင်မှာပေါ့နော်။ ဒါပေမဲ့ အရင်နှစ် တွေတုန်းက ကိုယ့်မဏ္ဍပ်ကပေးခဲ့တဲ့
ဝန်ဆောင်မှုတွေကို သဘောကျတဲ့လူ တွေကတော့ ကိုယ့်မဏ္ဍပ်မှာ လာပက်ကြမယ်လို့လည်း
မျှော်လင့်ရပါတယ်။ ဒီနှစ် သင်္ကြန်အတွက် ရက်ပြည့်ကစားတဲ့လူအတွက် လက်မှတ်ဖိုးကို ကျပ်
၂၅,၀၀၀ ပဲ သတ်မှတ်ထားပါတယ်။ ဒီနှစ်တော့ မဏ္ဍပ်စင်ဒီဇိုင်းလည်း ပြောင်းထားတယ်။ ရေပန်း
စနစ်တွေလည်း ပိုလုပ်ထားပြီး စပီကာအင်အားကိုလည်း တိုးထားပါတယ်"လို့ နွေရတီမဏ္ဍပ်က
ကိုရဲရင့်ဝေက ဆိုပါတယ်။
ကိုရဲရင့်ဝေက သူ့အနေနဲ့ သင်္ကြန်မှာ ကျုံးလေးဘက်စလုံးကို စည်ကားအောင် မဏ္ဍပ်ဆောက်လုပ်
သူနည်းတဲ့ ကျုံး အနောက်ဘက်နဲ့ မြောက်ဘက်တွေမှာ လည်း နာမည်ကြီးတဲ့၊ ဖျော်ဖြေရေးပါတဲ့
မဏ္ဍပ်တွေကို မျှပြီးနေရာပေးစေချင် တယ်လို့ ဖြည့်စွက်ပြောသွားပါတယ်။
၂၀၁၂ သင်္ကြန်တုန်းက မိမိရဲ့မဏ္ဍပ် နေရာအတိုင်း ဒီနှစ်မှာလည်း မဲပေါက်ခဲ့တာကြောင့် အတော်
လေးအဆင်ပြေသွားတယ်လို့ ဆိုသူကတော့ Maritime က ကိုသူရသန်းထွန်းအောင်ပါ။
"၂၆ လမ်း၊ ၇၇ လမ်းနဲ့ ၇၈ လမ်းကြား မှာပဲ ဒီနှစ်လည်း ပြန်မဲပေါက်ပါတယ်။ ဒီနှစ်က ကျွန်တော်
တို့ရဲ့ ခြောက်နှစ် မြောက်လည်းဖြစ်တဲ့အတွက် လုပ်နေကျထက် ပိုကောင်းအောင်လုပ်ထားပါ
တယ်။ အဆိုတော်လည်း ခေါ်မယ်။ ရေပိုက်ကိုတော့ ရေအားမကောင်းမှာစိုးလို့ အချောင်း ၂၅၀
လောက်ပဲ စီစဉ်ထားတယ်။ နှစ်တိုင်း ကျွန်တော်တို့ မဏ္ဍပ်က လူ ၇၀၀ လောက် အောက်ထစ်
ဝင်ပါတယ်။ ဒီနှစ်တော့ လူတစ်ထောင်ပြည့် အောင်တင်မယ်လို့ ကျွန်တော် စဉ်းစားထားတယ်"လို့
ဒီနှစ်သင်္ကြန်အတွက် သူ့ရဲ့ အစီအစဉ်တွေကို ကိုသူရသန်းထွန်းအောင်က ပြောသွားပါတယ်။
ရေပက်လက်မှတ် ဈေးနှုန်းတွေကတော့ ထုံးစံအတိုင်း တစ်ရက်ချင်း ကစားတာက ရက်ပြည့်ကစား
တာထက်တော့ ဈေးများလေ့ရှိပါတယ်။
မဏ္ဍပ်အများစု အကြိုနေ့ကို အခမဲ့ရေပက်ခွင့်ပေးပြီး အကျနေ့ကို ကျပ် ၁၀,၀၀၀၊ အကြတ်နေ့ ကို
ကျပ် ၁၅,၀၀၀ နဲ့ အတက်နေ့ကို ကျပ် ၂၀,၀၀၀ ဆိုပြီး သတ်မှတ်ထားကြတာကို တွေ့ရပါတယ်။
မဏ္ဍပ်စီစဉ်သူတော်တော်များများကတော့ မနှစ်ကထက် ဒီနှစ် ပိုပြီးအဆင်ပြေအောင်၊ ရေပက်မယ့်
သူတွေကို ဆွဲဆောင် နိုင်အောင်စီစဉ်နေကျပါပဲ။
မနှစ်က အဆင်မပြေဖြစ်ခဲ့တဲ့ အပိုင်းလေးတွေကိုလည်း သင်ခန်းစာယူပြီး ဒီနှစ် အဆင်ပြေအောင်
ဘယ်လိုလုပ်မလဲ တွေးတော ကြံဆရင်းပေါ့။
မနှစ်က သင်္ကြန်နဲ့ပတ်သက်လို့ ကျုံးတစ်ပတ်လုံးကို တစ်လမ်းမောင်းစနစ် အသုံးပြုလိုက်တာ၊
မဏ္ဍပ်တစ်ခုကို လုံခြုံရေးဆယ်ယောက်လောက် စီစဉ်ပေးတာတွေက တော်တော်လေးအဆင်ပြေခဲ့
တာကြောင့် ဒီနှစ်လည်း အဲဒီအတိုင်းပဲ ဖြစ်စေချင်တယ်လို့ ကိုခွန်မိုင်က ပြောပါသေးတယ်။
မနှစ်က သင်္ကြန်မှာ တာဝန်ရှိသူတွေက ယာဉ်ကြောနဲ့ လုံခြုံရေးတွေကို အသေအချာ ဆောင်ရွက်
ပေးခဲ့ပေမယ့် သန့်ရှင်းရေးပိုင်းမှာတော့ အားနည်းခဲ့တယ်လို့ မဏ္ဍပ်စီစဉ်သူတစ်ဦးက ပြောပါတယ်။
"မဏ္ဍပ်ဆောက်တဲ့လူတွေကို ရေလာပက်တဲ့လူတွေအတွက် အိမ်သာပါထည့် ဆောက်ပေးရမယ်
လို့ မနှစ်က စည်ပင်က စည်းကမ်းသတ်မှတ်တယ်။ ကျွန်တော်တို့လည်း ကိုယ့်မဏ္ဍပ်မှာ လာကစား
တဲ့ လူတွေအတွက် လုပ်ပေးချင်ပါတယ်။ ဒါပေမဲ့ တစ်ရက်ကို လူ ၇၀၀ လောက် စွန့်ပစ်ထားတဲ့
အညစ်အကြေးကို နေ့တိုင်းလာပြီး စုပ်မပေးဘူး။ အဲလိုဆိုတော့ ကျွန်တော်တို့မှာ လုပ်ရတာ
အတော်လေး အဆင်မပြေဖြစ်တယ်။ အမှိုက်ဆိုလည်း သင်္ကြန်တစ်တွင်းလုံး ပစ်ထားတဲ့ အမှိုက်ကို
အတက်နေ့မနက်မှ လာသိမ်းပေးတယ်။ ကြားရက်တွေမှာ မဏ္ဍပ်ဘေးမှာ အမှိုက်ပုံကြီးကိုဖြစ်လို့။
အဲဒီဟာတွေတော့ တော်တော်လေး အဆင်မပြေဖြစ်တယ်။ ဖြစ်နိုင်ရင် အဲဒီသန့်ရှင်းရေးကိစ္စလေး
တွေကို သေသေချာချာတာဝန်ယူပေးစေချင်တာပါ"လို့ သူက ဆိုပါတယ်။
သန့်ရှင်းရေးပိုင်းမှာ တာဝန်ရှိသူတွေက ပူးပေါင်းဆောင်ရွက်ပေးမှုမရှိတဲ့ အတွက် တချို့မဏ္ဍပ်တွေ
က အိမ်သာကို စစ်ဆေးသူတွေလာရင် ဖွင့်ပြဖို့သာ ဆောက်လုပ်ထားပြီး ရေပက်သူတွေကတော့
မိမိရဲ့ကျန်းမာရေးကိစ္စအတွက် မဏ္ဍပ်အနီးအနားက အိမ်တွေ၊ ဘုန်းကြီး ကျောင်းတွေကိုပဲ အကူ
အညီတောင်းပြီး ဖြေရှင်းခဲ့ရတယ်လို့လည်း ၂၀၁၂ သင်္ကြန် မှာ ၂၆ လမ်းပေါ်က မဏ္ဍပ်မှာ ရေကစား
သူတစ်ဦးက သူ့အတွေ့အကြုံကို ပြောပြခဲ့ပါတယ်။
သင်္ကြန်ကာလဆိုတာကလည်း အကောင်းနဲ့အဆိုး၊ အဆင်ပြေမှုနဲ့ အဆင်မပြေမှုတွေနဲ့ အမြဲတမ်း
ရောထွေး ယှဉ်တွဲနေတတ်တဲ့ အရာတစ်ခုပါပဲ။
ဒါပေမဲ့ သင်္ကြန်နားနီးပြီဆိုရင်ပဲ လူတွေရဲ့ စိတ်က အလိုလိုပျော်မြူးတက်ကြွလာတတ်တာပါ။
ဒီနှစ်တော့ ကျုံးပတ်ပတ်လည်မှာ အပြင် မြို့တွင်းမှာပါ စည်ကားမှုရှိအောင် မဏ္ဍပ်တွေကို အာမခံ
ကြေးမလိုဘဲ မြို့တော်စည်ပင်က အခမဲ့ဆောက်လုပ်ခွင့် ပေးထားတယ်လို့သိရပါတယ်။
ဒါ့ပြင် ကန်တော်ကြီးပတ်လမ်းမှာလည်း မဏ္ဍပ်တွေရှိဦးမယ်လို့ ကြားရပါတယ်။
ကျုံးပတ်ပတ်လည်မှာလည်း Alpine မဏ္ဍပ်ရဲ့ ဆယ်နှစ်ပြည့်၊ Domino မဏ္ဍပ်ရဲ့ ကိုးနှစ်ပြည့်၊
Maritime မဏ္ဍပ် က ခြောက်နှစ်ပြည့် စသဖြင့် သက်တမ်းရင့် မဏ္ဍပ်စီစဉ်သူတွေရဲ့ ကိုယ့်ရဲ့
နှစ်ပတ်လည်အတွက် အပြိုင်အဆိုင် ၀န်ဆောင်မှုပေးတာတွေနဲ့အတူ ဒီနှစ် ၂၀၁၃ သင်္ကြန်ကရော
၂၀၁၂ သင်္ကြန် ဘာတွေသာမလဲ၊ ဘာတွေကွာမလဲ စောင့်ကြည့်ကြရအောင်လား။


မြန်မာတိုင်း (မ်) မှ သိသမျှ ။