အာလူးဖျော်ရည်က အစာမကြေရောဂါကို ပျောက်ကင်းစေနိုင်

အာလူး ဖျော်ရည်ကို နေ့စဉ် သောက်သုံးခြင်း အားဖြင့် အစာမကြေ ရောဂါကို သက်သာ ပျောက်ကင်း စေနိုင်သည်ဟု လေ့လာ ဆန်းစစ်မှု အသစ်တွင် ဖော်ပြခဲ့ကြောင်း သိရသည်။

အာလူး ဖျော်ရည် ရက်သတ္တပတ်ကြာ သောက်သုံး ပြီးနောက် နာတာရှည် အစာမကြေ ရောဂါ ခံစား နေရသူ ဆယ်ဦးတွင် ရှစ်ဦးမှာ အကျိုးကျေးဇူး ခံစားရကြောင်း သိရသည်။

လေ့လာ ဆန်းစစ်သူတို့က အစာမကြေရောဂါ ခံစားနေရသူ ၄၀အား အာလူး ဖျော်ရည် ၁၀၀ မီလီလီတာကို နံနက်စာ မစားမီတစ်ဝက်နှင့် ညအိပ်ရာ မဝင်မီ တစ်ဝက် သောက်သုံး စေခဲ့ရာ လူနာ သုံးပုံ နှစ်ပုံမှာ တိုးတက်မှု ရှိလာပြီး ထက်ဝက်ခန့် အကျိုးကျေးဇူး ခံစားရကာ ရာခိုင်နှုန်း ၂၀မှာ လုံးဝ
သက်သာ ပျောက်ကင်းကြောင်း တွေ့ရှိ ခဲ့ရသည်။

ယင်းသည် အာလူးတွင် ပါဝင်သော အယ်ကာလွိုက် ဒြပ်ပေါင်းကြောင့် အကျိုး သက်ရောက်မှုရှိခြင်း ဖြစ်သည်ဟု ဂျာမနီနှင့် သြစတြေးလျ တက္ကသိုလ်များမှ သုတေသန အဖွဲ့က ဖော်ပြခဲ့ကြောင်း သိရသည်။



အေးချမ်းမွန်Facebook မှ Royal Hero Media တွင် ဖော်ပြထားရာ သိသမျှ ။