မြန်မာနိုင်ငံသား အချင်းချင်း တစ်ယောက်နဲ့ တစ်ယောက် အဆိုးအမြင်တွေနဲ့ ကိုယ့်မြန်မာနိုင်ငံအကြောင်း ၊ ကိုယ့်လူမျိုးအကြောင်း ဟိုပြောဒီပြော သိပ်မပြောကြပါနဲ့။ တကယ်တော့ အဲဒီလို ပြောနေတာ ကိုယ့်အိမ်ကို ကိုယ်ပြန်ပြီး အဆိုးဖြစ်အောင် လုပ်နေသလို ဖြစ်နေပါတယ်။ ဘယ်သူတွေဘာပဲ ပြောပြော မြန်မာနိုင်ငံဟာ မြန်မာနိုင်ငံသား အားလုံးရဲ့ ကိုယ်ပိုင်အိမ်ပါပဲ။ ကိုယ့်အိမ်ကောင်းရင် ကိုယ်ဂုဏ်ရှိမယ်။ ကိုယ့်အိမ်ဆိုးရင် ကိုယ်ညှိုးငယ်မယ်။ ဒီတော့ ကိုယ့်အိမ်ကို အဆိုးဖြစ်အောင် လုပ်မယ့်အစား ကိုယ်စွမ်းနိုင်တဲ့ဘက်က အကောင်းဖြစ်အောင် ဝိုင်းပြင်ကြတာပေါ့။ ဆရာဇော်ဂျီရဲ့ “မင်းအိမ်”ဆိုတဲ့ ကဗျာလေးကို ဖတ်ကြည့်ပြီး ပြင်သင့်တာပြင်ကြပါစို့။
စာရေးသူ = မနာပဒါယီ အရှင်ဝိစိတ္တ(ဒိုက်ဦး)
မကောင်းမင်းအိမ်
ကောင်းမင်းအိမ်တည်း
မင်းအိမ်ရွှဲစို အမိုးယိုသော်
မငြိုးသင့်ပါ မင်းတက်ဖာပေါ့။
အကာအခင်း ပျက်ယိုယွင်းသော်
မငြင်းစေချင် မင်းဆက်ပြင်ပေါ့။
အခွင်အနဲ့ အရွဲ့အစောင်း
မကောင်းမပြေ ဟောင်းထွေထွေကို
အခြေနှင့်မျှ ဉာဏ်ဖြင့်ဆ၍
လုံ့လသက်သွင်း သစ်စေမင်း ။ ။
(ဆရာဇော်ဂျီ)
စုစည်းထားမှု = တွေးမိသမျှ.........TTK Facebook မှ သိသမျ ။
No comments:
Post a Comment