"အချစ်ဆုိုတာ နားလည်ခြင်း”တဲ့။
ဟုတ်ပါတယ်။ အချစ်ဆိုတာ ဘာလဲလုို့ မေးရင်း အချစ်ဆုိုတာ နားလည်ခြင်းလုို့ပဲ
ပြောရမှာ ဖြစ်ပါတယ်။ လူတစ်ဦးနဲ့တစ်ဦး အချင်းချင်း နားလည်မှုတွေ ရှိနေရင်
အချစ်တွေလည်း ရှိနေကြမှာ ဖြစ်ပြီး နားလည်မှု လွဲလာပြီဆုိုရင်တော့
အချစ်တွေလည်း လျော့လာတော့တာ ဖြစ်ပါတယ်။ များများနားလည်မှု လွဲလေ အချစ်တွေ
များများလျော့လာလေပဲ ဖြစ်ပါတယ်။ ဒီသဘောတရားကို ကုိုယ့်ရဲ့ လက်တွေ့ဘဝတွေမှာ
မျက်မှောက်ထင်ထင် တွေ့မြင်နုိုင်ကြမှာ ဖြစ်ပါတယ်။ လူတွေဟာ တစ်ယောက်နဲ့
တစ်ယောက် နားလည်မှုတွေ ပေးနုိုင်၊ တစ်ယောက်အားနည်းချက်ကုို တစ်ယောက်က
နာလည်းခွင့်လွှတ်ပေးနုိုင် နေကြတဲ့အချိန်မှာ ဘာပြဿနာမှ မရှိကြပေမယ့်
နားလည်မှုတွေ မပေးနိုင်ကြတော့တဲ့ အချိန်မှာတော့ အချစ်တွေလည်း လျော့လာကာ
အချစ်အစား အပြစ်တွေ ပွားလာကြတော့တာ ဖြစ်ပါတယ်။ လူတစ်ဦးချင်းမှာ တစ်ဦးအပေါ်
တစ်ဦး နားလည်မှုနဲ့ တည်ဆောက်ထားတဲ့ အချစ်တွေ မရှိရင် အပြစ်တွေပဲ
ကြည့်လာတတ်တာ ဖြစ်ပါတယ်။ အပြစ်ကြည့်လာပြီဆုိုရင် နားလည်မှုလည်း
မပေးနုိုင်တော့ဘဲ အချစ်တွေလည်း ဝေးကွာလာတော့တာ ဖြစ်ပါတယ်။
ဒီနေရာမှာ အချစ်ဆုိုလုို့ သမီးရည်းစား အချစ်တစ်ခုကုိုပဲ အချစ်လုို့
မမြင်ကြဖုို့လုိုပါတယ်။ မိဘနဲ့ သားသမီးကြား၊ ဆရာနဲ့ တပည့်ကြား၊
မိတ်ဆွေအပေါင်း အသင်းတွေကြားမှာ ပေါင်းကူးပေးထားတာလေးတွေဟာလည်း အချစ်တွေပဲ
ဖြစ်ပါတယ်။ အဲဒီအချစ်တွေဟာ တစ်ဦးအပေါ်တစ်ဦး နားလည်မှုနဲ့ တည်ဆောက်ထားကြတာ
ဖြစ်တဲ့အတွက် နားလည်မှု ရှိနေသမျှ နားလည်မှုတွေ ပေးနေနုိုင်သမျှ
အချစ်တွေဟာလည်း ခုိုင်မြဲနေနုိုင်ကြတာ ဖြစ်ပါတယ်။ အချစ်တွေ
ခုိုင်မြဲနေသေးသမျှ အပြစ်ရှိတာတောင် အပြစ်လုို့ မမြင်တော့ဘဲ နားလည်မှုနဲ့
ခွင့်လွှတ်ပေးနုိုင်တော့တာ ဖြစ်ပါတယ်။ အထူးသတိထားရမှာက အဲဒီလုို နားလည်မှုနဲ့
တည်ဆောက်ထားတဲ့ ချစ်ချင်းတွေဟာ ပယောဂတစ်ခုခုကြောင့် နားလည်မှုတွေ
လွဲလာခဲ့ရင် အချစ်တွေလည်း လွဲလာတတ်ပြီး အချစ်လွဲလာရင် အပြစ်တွေလည်း
တွဲပါလာတတ်တဲ့ အချက်ပဲ ဖြစ်ပါတယ်။
တကယ်တော့ နားလည်မှုပေးတယ်ဆုိုတာ
သူ့နေရာမှာ ကုိုယ်ကခံစားကြည့်ပေးတာပဲ ဖြစ်ပါတယ်။
ကုိုယ်လည်းသူ့နေရာမှာဆုိုရင် ဒီလုိုပဲ ဖြစ်မှာပဲဆုိုတဲ့
ကုိုယ်ချင်းစာတရားနဲ့ သူ့နေရာလေးမှာ ခံစားပေးတဲ့ သဘောမျိုးပဲ ဖြစ်ပါတယ်။
ပြီးတော့ အဲဒီလုို နားလည်မှု ရအောင်ကြိုးစားတဲ့ အခါမှာ တစ်ဦးနဲ့တစ်ဦးကြား
အကြောင်း တစ်ခုခုကြောင့် နားလည်မှုလေးတွေ လွဲလာခဲ့ရင်လည်း အဲဒီ
နားလည်မှုလွဲတာတွေကို လက်တွေ့မဖြေရှင်းပဲ စိတ်ထဲမှာ ကြိတ်ပြီးတေးမထားဖုို့
လုိုပါတယ်။ တစ်ယောက်ယောက်ကြောင့် တစ်ခုခုကြောင့် အမြင်လေးတွေစောင်းပြီး
နားလည်မှု လွဲလာတာလေးတွေ ရှိရင် ပွင့်ပွင့်လင်းလင်း တုိုက်ရုိုက်ပြောဆုိုကာ
အကျိုးသင့်အကြောင်းသင့် ဖြေရှင်းကြရမှာ ဖြစ်ပါတယ်။ တစ်ချို့နားလည်မှု
လွဲကြတဲ့ ကိစ္စတွေဟာ အဲဒီနားလည်မှုကုို တုိုက်ရုိုက်မျက်နှာချင်းဆုိုင်
ပွင်ပွင့်လင်းလင်း မဖြေရှင်းပဲ ကုိုယ့်စိတ်ထဲမှာပဲ
ကုိုယ့်ရှုထောင့်တစ်ခုတည်းနဲ့ ကြိတ်တေး၊ ကြိတ်တွေးကာ ကြိတ်ခံစားနေကြတဲ့
အတွက်ကြောင့် ကြာတော့ အဲဒီကြိတ်လုံးတွေဟာ အဆုိုင်အခဲ ဖြစ်လာကာ နားလည်မှုဟာ
ပုိုပြီးလွဲလာကြတော့တာ ဖြစ်ပါတယ်။ အဲဒီလုို နားလည်မှု လွဲလာရာက
တစ်ယောက်နဲ့တစ်ယောက် သူမှန်ကိုယ်မှန် မာနပြိုင်ရင်း နောက်တော့ အချစ်အစား
အမုန်းတွေပဲ ပွားလာဖြစ်ကြတော့တာ ဖြစ်ပါတယ်။ အရင်းစစ်တော့
အမုန်းအပြစ်ဆုိုတာ နားလည်မှုလွဲရာကနေ အချစ်တွေပြယ်ကာ အပြစ်တွေအဖြစ်
ပြောင်းလဲသွားခြင်း သဘောပဲ ဖြစ်ပါတယ်။
ဆုိုတော့ကား ဘာပဲဖြစ်ဖြစ်
ခဏတာဆုံတွေ့ကြတဲ့ အခိုက်အတန့်လေးမှာ အမုန်းတရားတွေနဲ့ ဘဝကုို
ဖြတ်သန်းကြမယ့်အစား မပြည့်စုံတဲ့ သူအချင်းချင်း အားနည်းချက်ကုို
နားလည်မှုပေးပြီး အဲဒီနားလည်မှုကို အချစ်တစ်ခုအဖြစ် တည်ဆောက်ကာ အချစ်အားနဲ့
အပြစ်များကို ဖယ်ရှားနုိုင်အောင် ကြိုးစားကြည့်ကြရမှာ ဖြစ်ပါတယ်။
နားလည်မှုရှိနေရင် အချစ်ရှိနေမှာဖြစ်ပြီး အချစ်ရှိနေရင် အပြစ်ကြည့်တာတွေလည်း
နည်းလာကြမှာ ဖြစ်တဲ့အတွက် တစ်ယောက်နဲ့တစ်ယောက် နားလည်မှုနဲ့ အချစ်တွေကုို
တည်ဆောက်နိုင်အောင် ကြိုးစားကြရမှာ ဖြစ်ပါတယ်။
မေတ္တာဖြင့်
မနာပဒါယီ အရှင်ဝိစိတ္တ (ဒိုက်ဦး)
စုစည်းထားမှု = တွေးမိသမျှ ..............TTK fb မှ သိသမျ ။
No comments:
Post a Comment